Menu Close

FAMEIS – Collana Completa 6 numeri!

30,00 

 

di FRANCESCA GREGORICCHIO

 

La golaine complete FAMEIS (1 – Mê mari e fâs il marangon; 2 – Cjapâsi a bracecuel; 3 – Vanilie e soreli; 4 – Doi nonos scompagnâts; 5 – Regâl pal complean; 6 – Il truc segret) cun ducj i 6 numars a presit super speciâl!            Une ocasion di no piardi!

La collana completa FAMEIS (1 – Mê mari e fâs il marangon; 2 – Cjapâsi a bracecuel; 3 – Vanilie e soreli; 4 – Doi nonos scompagnâts; 5 – Regâl pal complean; 6 – Il truc segret) con tutti i 6 numeri a prezzo super speciale! Un’occasione da non perdere! 

 

50 disponibili

Il progjet editoriâl de Kappa Vu “Fameis”, che al previôt la realizazion di sîs libruts scrits e ilustrâts de brave Francesca Gregoricchio par contâ i diviers mûts di jessi famee inte societât contemporanie, al è stât tra chei plui preseâts dal Comitât Tecnic Sientific de ARLeF. Al è fûr di dubi che i cambiaments sociâi e culturâi di chescj agns – il mudât rûl de femine, lis trasformazions intal cjamp dal lavôr, l’inurbament, lis migrazions – a àn influît in maniere fuarte ancje sul concet di famee. Lis situazions che si son creadis cun sveltece e ancjetante spontaneitât a son aromai tant svariadis e cuasi impussibilis di codificâ cui criteris tradizionâi. Ancje i educadôrs e i insegnants za dal nît e de scuele de infanzie a àn di frontâ ogni dì la sfide dal rapuart educatîf cun fruts che a vegnin des situazions familiârs plui svariadis, risultât ancje dal messedament di lenghis, etniis, culturis. Cheste situazion e pues creâ malstâ e emargjinazion o un ricognossiment seren de diversitât e/o complessitât e fintremai une ricjece culturâl. La autore contant lis storiis des sôs “Fameis” cui voi delicâts dal plui piçul dai siei components, e sielç dal sigûr la seconde opzion e e met al centri ce che – ancje intun mont simpri plui complès – al è impuartant pardabon, cence tignî cont dal ricognossiment istituzionâl, cuant che o fevelìn di famee, o sedi sigurece, afiet, fiducie mutuâl e serenitât. Al è ancje une vore significatîf che un progjet inovatîf tant che chest al sedi stât pensât e fat in lenghe furlane, zontant ancje l’audio, confermant che cu la stesse si rive a esprimi intal mût plui adat la contemporaneitât, la societât di cumò e lis sôs componentis in trasformazion continue.

Lorenzo Fabbro – president de ARLeF – Agjenzie Regjonâl pe Lenghe Furlane

 

Anno

2019

Autore

Francesca Gregoricchio

Lingua

Friulano

Pagine

24 cad., interamente a colori

Formato

16,5 x 16,5 (cm)

ISBN

Recensioni

Ancora non ci sono recensioni.

Recensisci per primo “FAMEIS – Collana Completa 6 numeri!”

Il tuo indirizzo email non sarà pubblicato. I campi obbligatori sono contrassegnati *

Ti potrebbe interessare…