Menu Close

IL CJÂF DAI FURLANS

15,00 

NEUROPSICOLOGJIE DAI SINTIMENTS

 

di FRANC FARI

II cjâf dai furlans di Franc Fari al è stât il prin vêr libri sientific scrit par furlan ma al sarès un libri fondamentâl in cualsisei lenghe. Chest parcè che al presente, intun lengaç precîs ma comprensibil, i principâi risultâts di une sience zovine, la neurolinguistiche, che e sta deventant simpri plui fondamentâl par capî l’umanitât.

Progjet editoriâl e adatament linguistic di PAULI CANTARUT

 

Esaurito

Une racuelte di scrits peade a salt intes tematichis di fonde. La prime e met a fûc l’interès pal lengaç; la seconde, vierte dal studi sul çurviel bilengâl dai furlans, e je marcade di opinions vivarosis su lis cuistions che a sticin il dibatit culturâl in Friûl e la tierce che e met a confront in mût brilant argoments dissiplinars e interdissiplinars. Un apel, impostât cun clarece radicâl, a la reintegrazion dal individui e a la molteplicitât des culturis.

Mario Turello (de Prefazion a la prime edizion)

 

La neurolinguistiche e je in stât di spiegâ, suntune salde fonde biologjiche e neurologjiche, grant part dal compuartament culturâl e de dinamiche des diferencis culturâls jenfri i popui, comprindude l’aspirazion dai popui a l’autoguviêr (fin a lis formis patologjichis dal nazionalisim e dal razisim). Un dai aspiets plui interessants di chest libri al è la spiegazion, dassen sientifiche, dal parcè che la moltiplicitât des lenghis e je une ricjece. Un pont impuartant, ancje in tiermins politics, par chei che a vivin tune tiere – come il Friûl – là che si è puars di dut, fûr che di varietât des lenghis feveladis. Nol è ciert un câs se il Friûl, oltri a vê une grande varietât culturâl umane, al è ancje la zone de Europe cu la massime varietât biologjiche pes plantis e pai nemâi. Ma parcè propit il cjâf dai furlans? Isal cussì speciâl il cjâf dai furlans di meretâ un tratât di neurologjie ad hoc? Par Franc Fari lis formis culturâls umanis a àn lis lôr lidrîs ultimis te biologjie dal çurviel – l’orghin che al elabore la nestre vision dal mont – e duncje i elements essenziâi de culture furlane a puedin jessi esplicâts, tal lôr disvilup storic-critic, su la fonde de neurologjie.

Sergio Cecotti

 

Anno

I ed. 2000, II ed. 2005

Autore

Franc Fari

Lingua

Friulano

Pagine

208

Formato

14,5 x 22,5 (cm)

ISBN

Recensioni

Ancora non ci sono recensioni.

Recensisci per primo “IL CJÂF DAI FURLANS”

Il tuo indirizzo email non sarà pubblicato. I campi obbligatori sono contrassegnati *

Ti potrebbe interessare…